عبدیاہ دی کتاب وچوں بائبل دے سوال

سوال: عبدیاہ وچ ادوم دی قوم تے عدالت بارے کیوں ساری کتاب لکھی گئی اے؟

جواب:  ایتھے اک ممکنہ وجہ اے جہدے ست حصے نیں۔

1:  ادومیاں نیں مستقل طور تے رب دے دشمناں دا انتخاب کیتا۔

2:  اوہناں ادومیاں نیں اپنے اسرائیلی بھراوں نال دشمنی کیتی گنتی 20: 14-21 وچ درج اے، اوہناں نوں اک ہور موقع دتا گیا کیوجہ اوہناں دے قریبی تعلقات سگے۔

3:  جدوں یروشلیم تے زوال آیا، اتے اوہ اسرائیلیاں دا شکار کرن وچ تیز ہو گئے اتے بابلیاں دے حوالے کیتا۔ آیات 11-13 دے مطابق اتے عاموس 1: 11-12

4:  ادوام دے خاص گناہواں دی فہرست وچ غرور سگا ( آیات 3-4) اتے اسرائیل دے خلاف غضب سگا۔

5:  ایہہ سچ اے کہ ادوامی کنعانیاں دی طراں بھیڑے نئیں سی اتے اسرائیل دے لئی نقصان دہ نئیں سی جداں اسوری اتے بابلی سگے۔

6:  البتہ اوہ سچے رب دے بارے جان دے سن اتے علم دے لئی بوہت وڈے مواقع اتے وڈی ذمہ داریاں لیاندے سن۔

7:  ادومی ساڈے لئی اک مثال نیں کہ مغرور نہ بنیے یا خدا ترس لوکاں دی تباہی تے خوشی نہ کریے۔

8:  ادومی رب دی کسے قوم دی مجموعی طور تے عدالت دی اک مثال نیں۔

سوال:  عبدیاہ وچ کراب دے مرکزی نکات کیہڑے نیں؟

جواب:  عبدیاہ دی کتاب تن وکھری وکھری سطحاں تے پڑھی جا سکدی اے ۔

1۔  سطحی طور تے، اک خیال ہو سکدا اے کہ ایہہ صرف ادوام دی تباہی دی اک نبوت اے۔

2۔  گہری سطح تے، ساریاں لئی غرور تے رب دے لوکاں دی تباہی تے خوشی کرن دے پاروں اک آگاہی اے۔

3۔  اک ساکن گہرائی تے، کوئی لبھ سکدا اے لوکاں دے گناہواں دے نال تعاون کرن دا اک تصور، کداں ایہہ ثقافت وچوں گزر دا اتے تاریخ وچ محفوظ ہوندا اتے کداں رب ایدی سزا دیندا اے۔

سوال:  عبدیاہ وچ کتاب دا خاکہ کیہ اے؟

جواب:  ایتھے اک بلند پایہ دا خاکہ اے۔

1-9 عیسو دا غرور تے تباہی دا آنا۔

10-16  عیسو نوں کیوں سزا دتی گئی۔

17-21 عیسو نوں سزا دین تے یعقوب دا کردار۔

سوال:  عبدیاہ 1 وچ، کدوں عبدیاہ دی کتاب لکھی گئی؟

جواب:  عبدیاہ دی تاریخ تے کجھ رہنما حقائق نیں۔

تن وڈے نظریے نیں۔

1۔ بادشاہ یوہرام دی حکومت وچ۔

2۔  آخز بادشاہ دی حکومت وچ۔

3۔  یروشلیم دی تباہی دے فوراً بعد، تقریباً 585 ق م وچ۔

سوال:  عبدیاہ 1 وچ کیہ ایہہ اوہی عبدیاہ اے جنے 100 نبیاں نوں لُکایا سی 1 سلاطین 18: 3-4؟

جواب:  یوسفس نے غلطی نال ایداں سوچیا سی۔ تاہم، چونکہ عبدیاہ 1: 11 اشارہ کردی اے کہ بابل نیں یروشلیم نوں اسیر کیتا، عبدیاہ 1 سلاطین 18: 3-4 وچ تقریباً 300 سال پہلے رہندا سی۔ نتیجتاً اسی بائبل وچوں باہر ایس عبدیاہ دا ریکارڈ نئیں رکھدے۔

سوال: عبدیاہ 8-9 وچ، ادوم دے عقلمند لوک کون سی؟

جواب: ادوم عقلمند بندیاں دے لئی مشہور سگا۔ اوہناں وچوں نمایاں طور تے اک الیفز تیمانی سگا، جہدا ذکر ایوب 2: 11 وچ ہویا اے۔

سوال: عبدیاہ 20 وچ، کیہ ایہہ اک جھوٹی نبوت سی کہ اسرائیل کدی وی واپس نئیں آئے گا، جداں عاسموو دی بائبل گائیڈ صفحہ 641 تجویز کردا اے؟

جواب:  نئیں ، جیڑے جلاوطن واپس آئے ، اوہ یہودی آکھواندے سی۔ جناں دی اپنی ملکیتی زمین سی۔ جدوں کہ ایہہ ٹھیک سی کہ جلاوطناں دی اکثریت جیڑی واپس آئی، یہوداہ توں سی، ۔ عزرا 2: 3-63 اور نحمیاہ7: 6-63 اور نحمیاہ 11 ظاہر کردا اے کہ دوجیاں قبیلیاں وچوں وی لوک واپس آئے۔ جیکر اک بنیامینی گروپ یروشلیم وچ رہن لئی منتخب کیتا گیا۔ نحمیاہ 11: 7-9، ایتھے بنیامینی سگے جناں نوں منتخب کیتا گیا۔

سوال:  عبدیاہ وچ کجھ ابتدائی مسودات کیہڑے نیں جیڑے اج تک موجود نیں؟

جواب:  بحیرہ مردار دے طومار: ( سی ایل ق م) بحیرہ مردار وچ عبدیاہ دی کوئی نقل نئیں ہے۔

نحل ہیور:  ایجنڈی دے کول اک غار اے جہدے وچ انبیا اصغر دے حصے یونانی وچ سی ( 8 ہیو ) بائبل دے یونانی مسودے دے صفحہ 34 دے مطابق، ایہہ 50 ق م اتے 50ء دے وچکار لکھی گئی۔ ایہہ بار کوہبہ دی روم دے خلاف بغاوت دے دوران لُکی رہی۔ ایہہ ہفتادی ترجمہ دہرائی اے۔ جیڑی یہوداہ وچ بنائی گئی۔ اتے میسورٹیک متن دی تقریباً پہچان اے۔

مسیحی بائبلی مسودے:  تقریباً 350 ء توں، پرانے عہد نامے تے مشتمل، بشمول عبدیاہ ایناں وچوں دو ویٹی نس  ( 250-325ء) اور اسکندری ( 450ء)۔ ایتھے انبیا اصغر دیاں بارہ کتاباں یسعیاہ توں پہلاں رکلھیاں گیاں۔ ہوسیع ویٹی نس اتے اسکندری دونوں وچ مکمل اے۔

سینالکس: ( 340-350ء)  وی ساریاں کتاباں رکھدا اے۔ غور کرو کہ نقایا توں پہلاں کوئی مصنف نئیں جنے عبدیاہ دی چھوٹی کتاب دا حوالہ دتا ہوئے۔

سوال: عبدیاہ وچ یونانی اتے عبرانی ہفتادی ترجمیاں دے وچکار کجھ کیہڑے فرق نیں؟

جواب:  عبدیاہ دی کتاب وچ 21 ایتاں نیں اتے تقریباً 272 شبد عبرانی میسورٹیک متن وچ نیں۔ یونانی ہفتادی ترجمے وچ عبدیاہ دی کتاب دے تقریباً 460 شبد نیں۔ پہلا وجود عبرانی وچ اتے دوجا وجود یونانی وچ اے۔

عبدیاہ1: " اک پیغمبر گھلیا گیا " بمقابلہ " اینے اگے اک پیغمبر گھلیا"

عبدیاہ 1: "قوماں دے وچکار" بمقابلہ " قوماں دے ول"

عبدیاہ2: "حقیر جانیا " بمقابلہ "بے عزت کیتا"

عبدیاہ 3:  "تہانوں دھوکا دتا " بمقابلہ " تسی شادمان و مغرور ہوئے"

عبدیاہ 6: " لُکیاں شیواں لبھیاں گیاں" بمقابلہ " لُکیاں شیواں کھوجیاں گیاں"

عبدیاہ 7:  "تہاڈے عہد دے سارے مرداں نوں تہاڈی حدود وچوں برخاست کر دتا گیا۔ اوہ مرد جیڑے تہاڈے نال امن وچ سی تہانوں دھوکا دتا اتے تہاڈے تے غلبہ پایا۔ اوہناں نیں تہاڈی روٹی تے جال وچھایا؛ ایدے وچ کوئی فہم نئیں" بمقابلہ " اوہناں نیں تہانوں ساحلاں تک گھل دتا۔ تہاڈے نال بنھے گئے وعدیاں دے سارے مرداں دا مقابلہ کیتا دشمناں نیں تہاڈے خلاف غلبہ پایا، اوہناں نیں تہاڈے لئی پھندا وچھایا۔ اوہناں نوں کوئی فہم نئیں"

عبدیاہ1: 8 "اوس دن وچ ہوئے گا " بمقابلہ " اوس دن وچ"

عبدیاہ 1: 9 " بہادر" بمقابلہ جنگجو"

عبدیاہ 1: 9   " کٹ سٹنا" بمقابلہ " کوہستان عیسو"

عبدیاہ 1: 11 " سے " بمقابلہ " کیونکہ "

عبدیاہ 1: 12  "لافزنی کرنا " (محاورہ شیخی دے لئی) بمقابلہ " شیخی ماری "

عبدیاہ 1: 16   "مسلسل پیا کرن گیاں " بمقابلہ " شراب پینا "

عبدیاہ 1: 16   "پین گے اتے نکلن گے "بمقابلہ " پین گے اتے چلے جان گے"

عبدیاہ 1: 17   "لیکن جیڑے بچ نلکن گے کوہ صیون تے رہن گے اتے اوہ مقدس ہون گے " بمقابلہ " لیکن کوہ صیون تے آزادی ہوئے گی اتے اوتھے تقدیس ہوئے گی"

عبدیاہ1: 17   "گزرن دے اپنی میراث وچوں " بمقابلہ " اوہ اوہنوں میراث دے طور تے لین گے جیڑا اوہناں نے میراث دے طور تے لیا"

عبدیاہ 1: 18  "تنکا " بمقابلہ " گھاس پھوس"

عبدیاہ 1: 19   " کوئی بچان والا نئیں " بمقابلہ " اک مکئی دا کھیت"

عبدیاہ 1: 19 "  اوہ افرائیم تے قبضہ کرن گے اتے سامریہ دے کھیتاں تے وی اتے بنامین تے ( قابض ہون گے) جلعاد " بمقابلہ " اتے اوہ وارث ہون گے افرائیم دے اتے سامریہ دے میدان دے تے بنیامیں دے اتے جلعاد دی سر زمین دے "

عبدیاہ 1: 20  " اوہدے فوج دے جلاوطن " بمقابلہ " اسیری "

عبدیاہ 1: 20  "اسیر " بمقابلہ " جلاوطن"

عبدیاہ 1: 20   "  20 "بخب " بمقابلہ " افراتھا ( افراتا) یہودیہ وچ بیت الحم دا پُرانا ناں پیدائش 35: 19، 48: 7 دے مطابق "

عبدیاہ 1: 21    "رہائی دین والا / بچان والا" بمقابلہ  " اوہ جیڑے بچن گے "

عبدیاہ 1: 21   " عدالت " بمقابلہ " انصاف کرن گے "